عاوزة زوجك يلزقلك ....... خليكى مع نصائح ام محمد

عندى ليكم نصائح انما ايه ..لكل زوجه واى بنت مقبلة على الزواج اتمنى تعجبكم وانتظروا منى كل يوم نصيحة غير التانية وربنا يسعد الجميع

النصيحة الاولى
ابداى بنفسك اولا
شكلك مرتب و شعرك ملون وشوية سيشوار
وبارفان ريحته جايبة للشارع و ميكاب هادى
وقميص نوم كدة كدة شفتشى
وعيشى اول يوم
ودى اول نصيحة وكل يوم ليكوا منى نصيحة واحدة وطبقيها معايا وادعى لام محمد

النصيحة الثانية
اهتمى بنفسك اولا زوجك يهتم بيكى اكتر
يعنى ازاى بتطلبى منه يهتم بيكى وانتى مش بتحبى نفسك ومش بتهتمى بنفسك لدرجة انك ممكن متشتريش بيجامه جديدة لنفسك من سنين او مش بتلعبى رياضة عشان تحافظى على جسمك زى البنات الحلوين الى فى الشارع الى بيخربوا البيوت
ولو معندكيش وقت للرياضة انتهزى فرصة انك رايحة السوبر ماركت وامشى شوية مش لازم العربيه او بدلى الاسانسير بالسلم وسدقينى ح تفرق كتير
واهم حاجة اكتر من دا ودا لو عندك اولاد بلاش تاكلى الاكل الباقى منهم لان دا سبب اساسى للطخن وزيادة الوزن
وسداينى لو اهتميتى بنفسك هو اول واحد ح يلاحظ دا
غيرى استايل لبسك -- غيرى لفة طرحتك --- البسى بكعب عالى -انا عارفة انو متعب وهو عدو المراه الاول بس الرجالة بتحب الست ام كعب الى ماشية تتكتك زى الفرس فا ممكن نيجى على نفسنا شوية ونستحمل معلش مش انتى بتحبى زوجك خلاص ضحى شوية والجنة لينا اكيد لانك بتحمى بيتك
وعلى راى المثل الست تعشش والراجل يطفش فا لا تديله فرصة للتطفيش وخليكى ذكية بس مش عليه لان الراجل يحب الست الذكية بس مراته لازم تبقى غبية فا خليها بمذاجك مش غصب عنك وعيشى

كفاية كده انهرده يلة قولولى رايكم بسرعة واستنونى بكرة للنصيحة الثالثة .......... ام محمد

النصيحة الثالثة :
برنامج غير حياتى !
لماذا يحب الرجل المرأة اللعوب ؟؟
والجواب عندى:
تسمحولى احكيلكم قصة صغيرة . من سنتين تقريبا كنت قاعدة بتفرج على قناة فضائية والمذيع طرح هذا السؤال ليه الازواج بيحبوا المرأة اللعوب ( الشقية او بنت الليل يعنى او خرابين البيوت او خطافين الازواج )
وسالت نفسى ساعتها ليه ؟؟
ورد عليا المذيع ساعتها
- لانها ماريحة
- بتقابلة بابتسامه ولهفه حتى لو كانت كاذبة بس بترضى غروره
- دايما شيك وموزة موزة ورائحة بارفانها الاصلى سبقاها
- ممكن يتكلم معاها فى اى موضوع من غير ما يخاف انها تغلطه
- دايما صاحية وفايقة لما يروحلها يا بنات مش تعبانة من هم العيال والغسيل والطبيخ وشغل البيت و...الخ ...هارشة انتى الكلام دا
- وقت اما يعوزها دايما جاهزة بالاحمر
- ارقصى ترقص . غنى تغنى . فى حدود شرع الله طبعا
- عشاء على ضوء الشموع او عشاء فى مطعم فاخر حتى لو انتى الى ح تعزميه هو الى ح يدفع
- افكاره زى افكارها حتى لو مختلفين بتعرف تسايسه
- يلة نتفسح يلة \ يله نجرى فى الشارع يلة
يعنى من الاخر رمية نفسها فى النار معاه ورغم كده بينفزلها كل طلباتها طب ليه ؟؟
اكيد عرفتى الاجابة .... انا عرفتها
بتريحه ومحسساه انها من غيره شوربة من غير ملح
ولا جدال ولا عكننه ولا رحت فين ولا جى منين لا بالعكس دى بتقوله روح يا حبيبى
واخيرا احب اقولك تعاملى مع زوجك بذكاء يرضى غروره وانتى تنولى رضاه السامى و تخدى كمان الى انتى عاوزاه منه جربى ومتخليش المراة اللعوب تسباك لقلب زوجك..........ام محمد

النصيحة الرابعة:
لكل واحدة زوجها بيخرج كتير ويسيبها فى البيت بعد الشغل

طبعا دا حال كتير من الزوجات وانا عندى الحل بس لو جيت عليكى شوية استحملينى انهرده وسامحينى !!
طبعا لما بتلاقى زوجك بيلبس وبيتشيك وبيحلق ذقنه وبارفانات وحركات ومقلكيش هو فى ايه بتساليه
انت نازل ولا ايه؟
الرد: ايوة نازل عاوزة حاجة
رايح فين ؟
الرد: خارج مع صحابى
ح تتاخر ؟
الرد : معرفش
فانتى طبعا تتعصبى وتتنرفزى وتنفخى وتبتدى تلطشى فى العيال الى لا حول ولا قوة بيهم
واول مايفتح باب الشقة تقوليله
متتاخرش لو سمحت ...
الرد : ربنا يسهل ..اف .. صبرنى يارب ...عكننه
وكل يوم نفس الحكاية ومفيش فايدة وبيتاخر طبعا وبييجى بعد ما الديك يكاكى فى الصبحية
...................لا تعليق ..............
لا لازم اعلق
لانى بحب حياتى وبيتى واسرتى ولازم احافظ عليها و مفرحش فيا حد واولهم الشيطان الى بيقول لابنه الى خرب البيت تعالى اقعد معايا على العرش ... تخيلى انك بتقعدى ابن الشيطان على العرش لما بتتخانقى مع زوجك والمشاكل توصل للطلاق لاقدر الله
طب ينفع كدا
اكيد لا
والحل عندى زى كل مرة واسمعينى كويس ..!!..

لما زوجك ييجى يلبس وخارج قوليله ايه الى انت لابسه دا لالالالالا مش حلو عليك البس دا احسن وطلعيله لبس بيبقى شيك فيه واول ما يلبسه قوليله شفت حلو ازاى خلينى انا باه ابقى انقيلك هدومك المرة الى جاية
والبرفان كمان اوعى تنساه اصلى بحب الريحة دى اوى عليك تحفة بتجنن
بس لازم يبقى وشك بيضحك ولو مش قادرة تضحكى افتكرى عرش الشيطان وانتى ح تعملى كل حاجة بحب
واكيد هو ح يندهش من تصرفك .... واوعى تقوليله انت جى امتى ولا متتاخرش ..لا ..قوليله اتبسط يا حبيبى وهاف انيس تايم بس متنساش تجبلنا حاجة حلوة معاك ...هههههههههههه
وسداينى انتى ح ترتاحى نفسيا وهو مش ح يتاخر وح يجبلك حاجة حلوة وهو جى
بس فين باه الحلو بتاعه هو ؟؟!!!
الحلو بتاعه انو ييجى يلاقيكى زى القمر فى البيت ومممووووزة ممممووووزة
ولو نفرض انه اتاخر متعمليش مشكلة ولا عكننه شيكى نفسك واتزوقى واول ما ييجى قوليله ايه يا حبيبى انا اتخضيت عليك انت كويس والحمد لله
وكدا هو يتصدم اكتر لانه مستنى خناقة زى كل مرة
وسداينى المرة الى جية مش ح يتاخر خالص علشان الحلو بتاعة
ومرة فى مرة مش ح يخرج خالص وممكن لو خرج كمان ياخدك معاه وبكده تبقى انتى استريحتى وريحتيه ووصلتى لهدفك بذكاء المرأة و حافظتى على بيتك وخربتى بيت الشيطان... واتمنى انى اكون افدتكم بجد وشكرا لكل حبيبى

انتظروا المزيد

ام محمد

انا اول مره اعرف ان لكى مكان حلو زى ده
ربنا يبارك فيكى ويسعدم انت وجدة محمد كمان
اكيد طبعا انت عارفانى

ولا نسيتينى؟؟؟؟؟؟؟؟؟

حبيبة لوئه كتب:: ام محمد

انا اول مره اعرف ان لكى مكان حلو زى ده
ربنا يبارك فيكى ويسعدم انت وجدة محمد كمان
اكيد طبعا انت عارفانى
ولا نسيتينى؟؟؟؟؟؟؟؟؟

انساكى ازاى انتى حبيبتى يا حبيبة لوئه والله المنتدى نور بوجودك وانا فرحانه انك وصلتى لى بالسلامه cheers

تسلمى يا ام محمد

وربنا يكرمك ويزيدك من فضله كمان وكمان

النصيحة الخامسة :

وصية أمامة بنت الحارث لابنتها ام إياس :

مين فينا تعرف الوصايا العشر الى كلنا نعرفها بالاسم بس ومش بننفز منها الى القليل

طب تعالى معايا نشوفهم ونحفظهم وننفزهم سوا

لما هُيئت ام اياس بنت عوف الى زوجها ملك كندة قالت لها امامة : أي بنية : إن الوصية لو تركت لفضل ادب تركت لذلك منك ولنها تذكرة للغافل ومعونة للعاقل ، ولو ان امرأة استغنت عن الزوج لغنى ابويها وشدة حاجتهما اليها كنت اغنى الناس عنه ، ولكن النساء للرجال خلقن ولهن خلق الرجال. أي بنية : انك فارقت الجو الذي منه خرجت ، وخلفت البيت الذي فيه درجت الى رجل لم تعرفيه وقرين لم تألفيه فأصبح بملكه عليك رقيبا ومليكا ، فكوني له امة يكن لك عبدا وشيكا

الوصايا العشر

أي بنية : احملي عني عشر خصال تكن لك ذخرا وذكرا

1- الصحبة بالقناعة

2- المعاشرة بحسن السمع والطاعة

3- التعهد لموقع عينيه فلا تقع عينه منك على قبيح

4-التفقد لموضع انفه فلا يشم منك الاأطيب ريح والكحل احسن الحسن والماء اطيب الطيب المفقود

5- التعهد لوقت طعامه فان حرارة الجوع ملهبة والهدوء عند منامه فان تنغيص النوم مغضبة

6- الاحتفاظ ببيته وماله والارعاء على نفسه وحشمه وعياله فإن الاحتفاظ بالمال حسن التقدير والارعاء على العيال والحشم جميل حسن التدبير

7- لا تفشي له سرا فإنك إن افشيت سره لم تامني غدره

8- لا تعصي له امرا فإنك ان عصيت امره اوغرت صدره

9- ثم اتقي ذلك الفرح ان كان ترحا ، والاكتئاب عنده ان كان فرحا فان الخصله الاولى من التقصير والثانية من التكدير

10- كوني اشد ما تكونين له مرافقة يكن اطول ما تكونين له موافقة واعلمي انك ما تصلين الى ما تحبين حتى تؤثري رضا ه على رضاك وهواه على هواك فيما احببت وكرهت والله يخير لك **

صدقتى يا امامة يا بنت الحارث
هل انتى بتعملى بالنصايح دى لو بتعملى بيها جوزك اكيدح يحبك ومش ح يفارق ابدا .........ام محمد

النصيحة السادسة :
و عاوزنا نرجع زى زمان قول للزمان ارجع يازمان

الله عليكى يا ست كان عنك حق عاوزنا نرجع زى زمان يله نعمل زى ما كنا بنعمل زمان
فاكرين ايام الخطوبة كنتى بتعملى ايه مع خطيبك ؟
الى هو زوجك حاليا طبعا
فاكرة هو كان بيعمل ايه معاكى ؟
ليه مترجعوش الايام دى تانى
يعنى ممكن تعملوا رحلة سوا انتى وهو بس ح تقولولى مفيش وقت طبعا لا لازم تلاقوا وقت الاجانب بيعملوا كل حاجة وعندهم وقت لكل حاجة ليه منقلدهومش عشان نحافظ على حياتنا ولو انا عارفة ان كتير ممكن ينتقدونى فى كلامى بس انا شايفة ان عشان احافظ على حياتى اخد الايجابيات من اى حد و اعملها حتى لو صينى
فا ليه منجددش حياتنا ونرجع الرومانسية تانى
وممكن تبعتيله رسائل حب ولهفة ورومانسية على موبايلة زى زمان واستنى منه الرد
ممكن تبعتيله رسالة تقوليلوا انه ح يلاقى مفاجئة ليه فى البيت اول ما يروح وهو ح يتلهف على المرواح عشان يعرف المفاجئة ولازم تبقى محضراله مفاجئة طبعا
- اعمليلوا اكله بيمووووت فيها
- احتفلى له بعيد ميلاده فى مكان عام وخلى كل الى فى المكان يغنوله وقدميلوا هدية حلوة
- دايما افتكرى ان زوجك طفل كبير وانتى امه وعمرالام ما بتزهق من ابنها ولا بتسيبوا

لحد يازيه ولا ياخدوا منها
ومتسمحيش لحد يهدم بيتك ....... وسامحونى ........ ام محمد

النصيحة السابعة:
افكار لتجديد الحياة الزوجية :
كل واحدة مننا بتقول انا عملت الى عليا وهو الى مطنشنى
الحقيقة هى :
هل انتى عملتى كل ما فى وسعك عشان تسعديه عشان تطلبى منه انه يسعدك ؟؟
اكيد لا فا خدى منى افكار ممكن تساعدك على انك تلفتى نظره اوى
- ممكن تلبسى لبس فى البيت هو مش متعود يلاقيكى بيه
- اعمليله كل ليله شكل غير التانى يعنى البسيله مره بلدى ومرة بدلة رقص مش بدله بدله يعنى
مرة افريكانو مثلا
مرة شكيرا ومرة روبى بالعجلة ومرة هيفا
فى حاجة مهم قبل كل دا
- تعرفى ان اما تاكلى زوجك فى بقه دا يبقى صدقة والعكس كمان اما هو ياكلك طب ليه منعملش حاجة كويسه ونحافظ على بيتنا كمان وبثواب
-الابتسامه فى وجهه صدقة
- غيرى نظامكم فى الحياه وخلى اهتماماته اهتماماتك حتى لو مش زى اهتماماتك حاولى مادام انتى بتحبيه
- ابداى انتى بطلبه للجماع ولو لمرتين بس بالاسبوع مش دايما هو البادىء
-اعمليله مفاجئة ان الاولاد انهرده عند مامتك وانكم مع بعض انهرده لوحدكم
- ارقصى له بلدى -سلو-راب الى انتى تعرفيه بس لازم تشبعى عينه عشان ميفكرش فى غيرك
- خليكى متميزة وخليه يحس انه متزوج كذا واحدة مش واحدة بس
- الرجالة بيحبوا الست الماريحة المنطلقة العفوية الى مش نكدية فاخليكى خفيفة الظل
وحبوبة وافتكرى ان ليكى معاه فى الجنة مكان ........ام محمد

النصيحة الثامنة:
فى النصائح الى فاتت كلها معظم رد الحلوين ان
انا زوجى مش بيهتم بيا رغم انى عاملاله كل دا وان
انا زوجى مش بيهتم بيا
الى انتوا ممكن يكون غائب عنكم ان الراجل مش بيهتم بالتفاصيل لا هو عاوز المضموون
يعنى اما تيجى تحكيلوا موضوع هو ميهمهوش مين قالت ومين عادت هو عاوز من الاخر وصلتوا لايه فا انتى حتى لا توصفى بالرغاية الاحسن انك تجيبى من الاخر وتبقى خفيفة وهو لما يلاقيكى قللتى الموضيع هو الى ح ييجى يسالك ايه الاخبار احكيلى بالتفصيل
وكمان ما تطلبيش منه انه ياخد باله من التوكه الجديدة الى انتى لبسها لانه مش ح يشوفها الا لو انتى قولتيله
فا الراجل بيحب مضمون الموضوع مش بس كده لا
دا بيحب كمان اوى عينيه ازاى ؟؟ ح اقولك
يعنى لو انتى فى يوم قاعده معاه وبتقوليله شعر فى اد ايه انتى مش بتنامى من كتر حبه وفجاة
واحدة حلوة موووت (شكيرا) عدت من قدامه تفتكرى ح يعمل ايه؟؟؟؟؟
ح يحول راسه عليها على طول وينساكى وينسى الكلام الحلو الى انتى بتقوليه وقلة النوم وكدا
ملحوظة :
عشان انا عارفة ان ح يجيلى حد يقولى مش كل الرجاله ..ايوة صح مش كلهم بس معظمهم وانا باتكلم على معظمهم مش كلهم )
اكمل باه
يبقى الراجل اكتر ست بيحبها ايه :
1- المختصرة فى الكلام
2- المهتمه بنفسها (ومش لازم تبقى قمر يعنى.. لكل فوله كيالها )
3- الرشيقة
4-المريحة
يلة باه نعمل كدا ونشوف النتيجة ايه
وحاولى تعملى نيو لوك وتغيير ملحوظ عشان يشوفك صح والتغيير مش بس فى شكلك لا واخلاقك وتصرفاتك معاه وربنا المستعان ....ام محمد

النصيحة التاسعة :
(نصيحة تنفع للمخطوبين):
لكل رجل مفتاحه الخاص ...فهل تعرفى انتى مفتاح زوجك ؟؟؟؟؟

لكل راجل مفتاحه الخاص الى ممكن تلعبى عليه عشان تخطفى قلبه قبل ما واحدة تانيه تخطفه فهل انتى عارفة ايه مفتاح زوجك ؟؟....تعالى اقولك عليه واقولك تعملى انتى ايه!!
الرجالة ثلاث انواع

النوع الأول من الرجـال :
هو ذلك الرجل المنطقي العقلاني الذي يتكلم فقط بالعقل و المنطق و الأفـكار و الأراء و النظريـات
..إنه ذو رأي و فكرة معيـنة
.. يتعـامل مع الحيـاة و يتعامل مع الآخرين فقط من خلال العقل
و الصح و الخطأ
.. هذا يجب وهذا لا يجب
.. يتعامل مع المرأة بشكل جيـد عندمايقتنع بكلامها فقط
.. إنه رجل يحب التخطيط و يحب النظام و يحب أن يكون طريقه مدروسـاً و مخططاً له
.. لا يتعامل إلا مع الأشياء و الأشخاص التي تحقق له فـائدة معينـة

مفتاح الرجل الأول :.. مفتاحه النظام فيعشق المرأة المنظمة في كل شيئ والتى ترتب له أدواته
..يحب أن يراها نظيفة مرتبة ومنضبطة في مواعيدها ودقيقة في تصرفاتها
.. والمرأة التي تتناقش معه و تتجـادل معه بالأفكـار و المنطق و لكن بدون عنـاد

..بل تؤيــد افـكاره و تقتنع بكل مايقول ومفتاحـه المرأة التي تكون قوية بأفكـارها ومنطقها فهي ذكية و متعلمة و تحاوره في كل مسـألة

النوع الثاني من الرجال :
.. هو ذلك الرجل الحنون المشاعري
.. الذي يشعر و يحس فقط إنه لا يعترف بالعقل و المنطق ..
بل يعترف بالأحاسيس
.. إنه يحب و يكره
.. يفرح و يزعـل
.. يغضب و يهدأ
.. يتعامل مع الحيـاة والآخرين فقط من خلال الأحاسيس والعواطف و المشاعر
..يتعامل مع المرأة بشكل جيد عندما يشعر بحبها له فقط
.. إنه رجل يحب الرومنسية والهدوء
.. و يحب خدمة الآخرين و إرضاءهم
.. يحب أن تأتي الأمور على طبيعتها لا يحب التعقيد
..لا يتعامل إلا مع الأشياء و الأشخاص التي تحقق له سرور و سعادة ومتعـة .

مفتاح الرجل الثاني :
..هو سهل التعامل وأن مفتاحه الحب والرومانسية كلما عطيته حـــب أعطاك ما تريدين ،،

[size=21]..وكذلك المرأة التي تعامله بكل حنـان و حب وتجعله يشعر بكل لحظة بأنه مرغوب عاطفياً من ناحيتها [/size]
[size=21].. و تخبره بكل لحظة بأنها تحبـه و أنها مشتاقة إليـه [/size]

[size=21]..

[/size]

و تغدق عليه العواطف الملتهبة ( ولكن بدون تمثيل )

.. إن مفتاحـه المرأة الحنونـة الناعمة التي يحمر وجهها خجلاً و حياءاً و صوتها هادئ و تبقـى دائماً ملتصقة به

النوع الثالث من الرجـال :

..هو ذلك الرجل الذي يرى فقـط من خلال عينـيه الرجل الذي يحب الشكل و المظهر

.. إنه لا يعترف بالعقل والمنطق و لا يعترف بالمشاعر و الأحاسيس

..إنـه يعترف فقط بالشكل الخارجي

.. لا يدخل إلى عمق الأشياء و حقيقتها بل يحكم من الخارج فقـط

..إنه يتعامل مع الحيـاة و مع الآخرين فقط من خلال ما يراه أمـامـه

.. إنه يتعامل مع المرأة بشكل جيد عندما يعجبه شكلها وجسمها ومظهرها
..إنه يحب الإعتناء بنفسه و مظهره
.. ويحب الحركة والسرعـة
.. إنه رجل إجتماعي بشكل كبير و هو ذكي و لبـق
..إنه لا يتعامل إلا مع الأشياء التي تجـذبه من ناحيـة الشكل و المظهر

مفتاح الرجل الثالث :

..هو سطحي التفكير والإدراك ولكنه بنفس الوقت مبـدع و مبتكر

..وهو قـائد يحب القيادة و لا يحب أن يكون تابعاً

.. سريع التحرك و المبادرة

..أما مفتاحـه فهو المدح

.. و نظرات الإعجـاب

.. و الإشادة بأعماله و تصرفاته و إنجـازاته
..هذا النوع من الرجال مفتاحه المرأة النشيطة التي تتحرك مع تطلعاته بسرعة و توافقه وجهة نظره و تمتدحها و تعجب بها
..إن مفتاحـه المرأة التي تعطيه صورة شامخة عن نفسه وعن أفعالـه

حسنـاً و الآن .. زوجـك من أي نـوع ؟.. وكيف تتعاملين ؟

.... ....

النصيحة العاشرة :
انهرده اسمحولى اقدم لكم نصيحة منقولة بس حلوة جدا عجبتنى وقلت لازم انقلهالكم :
حكمة شهرزااااااااااااااااااااااد
من هي شهرزاد وماهي حكايتها ؟
اغلب البنات يعرفوا حكاية شهرزاد وانا ابختصرها للي مايعرفوها
يحكى انه كان فيه ملك فارسي يبحث عن الفتيات الجميلات ويتزوجهن ويقضي ليله واحده مع الفتاه وبالصباح يقتلها وهكذا
قتل كثير من الجميلات اصبح الجمال نحس
وكانت توجدفتاه ايه في الجمال اسمها شهرزاد اشتهر امرجمالها ووصل للملك امرباحضارها وفعلا اعجب بها وتزوجها وبدل ان تفرح امها واهلها بالعكس عرفوا ان مصيرها مصير السابقات
ودخلت شهرزاد القصر وضاااااع خبرها وبعد فتره طويله وبعد ان يئس اهلها منها اذا هي تدخل عليهم بحاشية الملك وبيدها طفلها
جن جنون الناس
كيف نجت شهرزاد؟
هل يعقل ان الملك ترك عادته القديمه ولماذا؟
هل وقع في حبها وغرامها؟
هل عملت له السحر وسيطرت عليه بقوى خفيه؟
والكثير من الاسئله
كل مافعلته شهرزاد القصه كانت والدتها علمتها الاداب المختلفه للشعوب حرصت على تربيتها بالمعرفه والادب
كانت شهرزاد كل ليله عندمايهم الملك بالانصراف تحكي له قصه مشوووووووووووووقه الى ان يخرج من عندها بالصباح لانها كانت تسكت عندما ياتي الصباح
واغلب القصص تتعمد الاتكملها
ويقول غدا عندماتكملها اقتلها وتبدأقصه اخرى
الى ان ظهرت للدنيا اساطير الف ليله وليله
ومرت الايام والسنين وانجبت شهرزاد من الملك وقويت شوكتهاوتعلق بها وبابنائه وتمكنت منه

نجي للشي اللي استفدناه من هذي الحكايه
قانون العاده
1-ان العاده اقوى تاثير من العاطفه
2- وان الحاجه تربطك بالانسان الاخرفاجعلي لشريكك احتياج عندك اكثر من مجرد الفراش شي لايجده الاعندك
3-عوديه على شي يربطه فيك اي شي مثلا المساج قبل النوم واجعلي لك طريقه مبتكره ولمسه خاصه لايعرفها احدكاضافة زيت عطري مريح دائما لايتغير
4-عودي شريكك عليك بكل شي لاتحتقري اي حاجه حتى في امور نظافته اموره لبسه خليه لويبعد حتى لبس مايعرف يلبس
5-عوديه على جلسه خاصه في وقت معين تتبادلوا الكلام والنقاش وحل المشاكل اليوميه
4-انسي كل شي عنه وانه عصبي وصعب وما الى ذلك وعامليه كانه طفل وامتصي السئ والفظيه خارجا كل ماتحتاجيه صبر ووقت
5- حتى في امور العلاقه الحميمه عوديه على طريقه خاصه فيكي ابتكريها لايمكن يستغني عنها بس فى حدود الشرع طبعا
وكرريها حتى تثبت في عقله الباطن لان عقله يسجل اولا وبعدين يتعلق فيها
مثلا عودى زوجيك على مساج قبل النووم والله يابنات مايعرف ينام اذا ماسار ويحاول قد مايقدر ماينام برى واذاسار وسافريتعب مره وعوديه تودعيه واستقبليه ,لويوم مااستقبلتيه يعرف انك زعلانه
واهم نقطه حتى لوزعلتي منه لاتقطعي عادتك ابدا الالما تحسيها ملكته بعدين لاعبيه في عاداته وعودته على جلسة بعد المغرب كلنا نجيب اجهزتنا ونسوي القهوه وحلا خفيف ونفتح النت ونتصفح سوى واقوله ايش عجبني ونفتح مواضيع مع بعض اونلعب سوى ونقسم اولادنا قسمين خاصتن بالالعاب واحد معي وواحد معه
وناخذجو وناسه مايقدريستغني عنه حتى اولادنا يفقدوه
والعاده استخدميها حتى بعلاقاتك الخارجيه مثلا انا كل واحد رمضان الفطور عندي معروف عائليا من دون ما اعزم هذا الشي اعطاني برتكول معين عند اهلي واهل زوجي مع انه فيه مننا من تعزم مرتين وثلاث لكن موزيي لها وضعها اللي الكل يتمناه بسبب شي بسيط
6-تعلمنا ان الجمال وحده لايكفي فالجمال والذكاء ان اجتمعوا قمه لكن الذكاء اذا وجد فقط يكفي نوعامااما الجمال لوحده كاانا ءالعسل الجميل الفارغ
7-التربيه السليمه تخدمك في وقت الحاجه فنحرص على تربية ابنائنا صح وتعريفهم على الاساسيات اولا كالسيره والقران والسنه فهي فالعلم نور
8- الصبر ثم الصبر ثم الصبر فبا الصبر تنالي كل شي
9- لاتواجهي اي انسان بسيائته فهواعرف انسان فيها اخبريه عن حسناته واخرجيها امامه سيبحث عنك دائما لتخبريه عنها وسيتعلق بك لانك تعطيه طاقه ايجابيه خاصتن زوجك واولادك
10-الثقه بالنفس وعدم الخوف والاتستهيني بشي وتستخدمي كل شي يوصلك لهدفك مادام مسموح دينيا واجتماعيا

منقوووووول للامانة

النصيحة ال 11 ( منقوله)
امرأه اربعه في واحد
لماذا يتزوج الرجل على زوجته؟؟
تقول المرأه انا ماقصرت انا معطيته كل حقوقه وازود
ليييييييييييييييييه تزوج عليه ؟؟

وبعضهم تقول زوجي يقول انتي ماقصرتي معاي ويعطيها هديه ترضيه ويحاول يرضيها بكل الطرق
لكن ليه اتزوج اصلا؟

الرجل غالبا يبحث عن اربع نساء
الاولى حبيبه
هويبحث عن انسانه تحبه ويحبها يستمدمنها الحنان والعطف
يرتاح لمن تكون بجنبه يدورفي فلكها وتدورفي فلكه تبادله مشاعر الحب والشوق واللهفه باختصاريبي وحده مثل الافلام الرومانسيه تكون هيمانه فيه
فيه كثير مننا تحب زوجها لكن حب حبيس مخنوق مايتنفس غالبا بحكم التربيه لكن اتعلمي الجرأه في الحب والمشاعر الطيبه
اضهري حبك لزوجك وابنائك في كل مكان وامام جميع الناس فهم يستحقوا
احبيه
تقولوا كيف احبه ما احبه هوخاين هوبخيل هواستغلالي هواناني هوصعب
اقولكم احبيه وستذهب عيوبه زمان قالوا مراية الحب عميا
لوحبيتيه راح تحبيه بكل اخطائه وعيوبه
اظهري حسناته وكبريها وحبيها شوي شوي تلاقي نفسك تحبيه من قلبك
وصدقيني من تجربه لما يحس انك تحبيه بطريقه بحته راح يهيم فيكي
جربوا وشوفوا

الثانيه صديقه
كوني صديقته شاوريه بكل شي كلميه بكل شي
اسأليه عن شغله اش سوى وكيف روسائه معه وكيف مرئوسيه
اسأليه عن ذكرياته دراسته عيلته
احلى موقف اطرف موقف من هاالامور
ناقشيه با احلامه وامنياته
اسأليه عن كل شي
تصدقوا اناسألته حتى عن نزواته قالي على مواقفه وكيف انه كان يحب بنت الجيران وابوه مارضى يخطبها له وكيف اخذ صديقه وراحوا يخطبون هو وصديقه وان اهل البنات جابوا البنات عندهم بحكم انهم اجانب
وكيف زعل من صديقه ليه يطالع البنت الي تبعه
كل هذا وهم ماكملو عشرين سنهكيف وقتها ابوه رنه علقه ونقل اهل العروس (جنوا عليهم)
اتقبلي حكاياته كلها مهما كانت مؤلمه
والله اخذت اسبوع كل ماشفته اضحك عليه ويحزني وبنفس الوقت اخاف من جرأته
لكن والله صار بعدها يحكيلي كل شي
ويجي يقولي ابقولك حاجه انسي انك زوجتي خذي وضع صديقه والله زي ما اقولكم كذا
واتعودت على كذا بالعكس ارتحت انه مايلجأ لغيري
وطلعت عنده بلاوي وربنا ستر
واذا الزوجه مااحتوت زوجها بيلاقي بها الزمن من يحتويه

الثالثه وهي اهم وحده العشيقه
الرجل يبحث عن عشيقه تحيي له الليالي الحمرا تستخرج منه رجولته هو يرى ان المرأه هي شعلته التي لاتنطفئ
اخواتي هذي النقطه حساسه ويبيلها جرأه
وانا ابحاول اوضحها قدر مااستطيع
الرجل مهما كان يريدمن المراه ان تشبع رغباته ويريد فوق الاشباع
بمعنى يريد رفاهيه بالموضوع
يريد ان تحسسه المرأه انها تحتاجه بالقدر الذي يحتاجها هو وانها ليست اله تستجيب فقط لرغباته
فنرى هناك نساء تقول انا اتجمل والبس واتعطر واتعب واعمل الليالي الرومانسيه لكن مافيه فايده
ونرى نساء عاديات ربما اقل جمال وعنايه واهتمام ونستغرب الرجال طايرفيها السما ليه؟
نصبر نفسنا نقول دنيا حظوظ
لا يا اختي دنيا مشاعر
اذافقدت المرأه الاحساس ماينفعها شي يعني لولبست وتعبت لكن ماشاركت راح تعبها
في البدايه مثلي وبعدهاتلاقينك في الموضوع ماتستغني عنه

قصة
تقول كان فيه رجل متزوج مرأتين وحده جميله جدا والاخرى عاديه
وكان عنده امه معاهم بالبيت
زمان ذا الكلام
جات الجميله لعمتها قالت لها ياعمه زوجي مايحبني مع اني جميله واحلى منها
ابعرف السبب؟
قالت لها روحي نادي خويتك
جوعند العمه كلهم جابت العجوز زبده ووضعت قطعه على كف كل مرأه الجميله بقيت الزبده بيدها زي ماهي والاخرى ساحت الزبده بيدها

قالت لها هذا السبب يابنتي روحي عدلي من نفسك من جوه مومن برى

يعني المرأه لازم تبعد البرود عن علاقتها مع زوجها
تشعلله بكل الطرق
اترك الباقي لفهمكم الموضوع له جوانب كثيره اكثر جرأه لامجال لذكرهاطيب مين تقدر تعطي الرجل كل هؤلاء النساء جميعا
وبالحلال ؟؟؟؟؟

هي المراه الرابعه
الزوجه
اكرم الله المرأه بأن جعلها زوجه معززه مكرمه تظهر امام الناس يفخربها زوجها واولادها
تنجب الابناء وتحفظ النسل والنسب
فكوني لزوجك هولاءولاتعطي ادوارك لاي احد
اولاتزعلي اذا تركتيها وجاء من يوديها عنك

لا ترضي ان تكوني زوجه فقط للكرف والتعب والطبخ والانجاب
كوني جميعهن معا
الموضوع بسيط لكن يحتاج تطبيق وتعود

حبيت انوه ان الموضوع منقول .....ام محمد

النصيحة ال12 :
نصيحة تجنن ومنقولة حبيتها وحبيت اقولهالكم

قوارب النجاة الزوجية

الزوجين في قارب شراعي بسيط
يجلس كل واحد في طرفي المركب
لحفظ توازنه خشية انقلابه
ثم السقوط لاعماق البحر
فلا يجد الا جمع من القروش
والحيتان تتسابق لنهشه وبلعه !!
.....
فكان لزاما على كل من في المركب
حفظ التوازن داخله
مهما كانت العواصف عاتيه حتى تهدأ
لتوصله الى شاطيء الامان
دون انكفاء المركب في عرضه ..!!

سنعرض هنا قوارب منجية نمتطيها
ونوجه اشرعتها لذاك الشاطيء
البعيد حسب اتجاه الرياح ....

............

القارب الاول

قارب الحب العاطفي الوجداني
نعم قارب الحب الحقيقي الأبدي
الذي لا يرجو منه حصول مقصد سريع ثم يزول
بل هو تجسّد الحب العاطفي

القارب الثاني

قارب الثقة المتبادلة
يجب على كل من الزوجين حفظ الثقة بينهما
كغرسة وحفظها من مرض الشك المدمر
المؤدي نتائجه للخيانات الزوجية المتبادله والعياذ بالله !!!

القارب الثالث

قارب كسر الجمود
يجب على الزوجين تجديد الحياة الزوجيه
كنهر جار تتجدد فيه نبظ الحياة الجميله
وعدم ركودها كمستنقع اسّن
لا تعيش فيه الا الحشرات المؤذية !!

القارب الرابع

قارب تجنب الملاحظات المباشرة
نعم الملاحظات في غير وقتها منغصات للحياة
البعض يختارها في الوقت السلبي
مثلا عند المعاشرة والاجتماع العاطفي
او عند الأكل ومواطن الاجتماع العائلي
فتكون كالقنابل الموقوته !!

القارب الخامس

قارب التقريب بالهدية والابتسامة
الهدية والابتسامة هي السحر الحلال
الذي يستطيع كل منهما السيطرة على بعضهما
تحت غطاء الالفة والمحبة المتبادله ...

القارب الساس

قارب تجنب العثرات والسقطات
نعم لكل سقطات وهفوات
ان دفنت وسترت وغضّ الطرف عنها
سار المركب دونما تعثر وان حرثت ونبشت
وقف المركب في عرض البحر....
ولعبت به اعاصير البحار دونما توقف
حتى تقلبه في النهاية ...

القارب السابع

قارب الاحتساب
نعم الاحتساب امر في غاية الاهمية
يغفل عنه كثير من الازواج في الحياة الزوجية
فلو ان الواحد منهم يرى الحياة الزوجية
من تلك القاعدة الربانية المفتوحة لكسب الاجر الدائم
بالكلمة والبسمة والاجتماع بالمعروف
قال صلى الله عليه وسلم( وفي بضع احدكم صدقة )

منقول ................ام محمد:::::::

النصيحة ال13:
فى كتير مننا بتقول انا شكلى حلو ومهتمية بنفسى بس زوجى مش مهتم بيا لسه وانا بعمل معاه الى ما يعمل ولسه مش معبرنى اعمل ايه؟؟؟
اقولك انا تعملى ايه !!
المهم ان الست زى ما تهتم بشكلها لازم تهتم بتصرفاتها واسلوبها فى التعامل مع زوجها
مش مهم تغيرى فى شكلك المهم تغيرى فى اسلوبك
يعنى بدل ما تتخنقى معاه على الهايفة لا . قولى لنفسك انا النهرده مش عاوزة حد يعصبنى 10 مرات الصبح اول ما تصحى وهياى نفسك على كده
على فكرة انا عملت كدا ليلة فرحى عشان متخانقش معاه والفرح يعدى على خير لانى غيورة جدا على زوجى وكان فى مطربه فى الفرح فشر الرقاصة هههههه فا كان لازم امسك نفسى وقلت دا يومى مش يومها
فالازم تشتغلى على نفسك فى تهزيبها وحسنها وتجميلها
وسداينى لو زوجك ماخدش باله من شكلك والنيو لوووك
ح ياخد باله من تصرفاتك
ولازم تكون كل تصرفاتك فيها حب
يعنى لو طلبتى منه يجيب لك حاجة بعد ما يجيبها قوليله تسلم ايدك يا حبيبى معلش تعبتك ومفيش مانع لو بستى ايده او خده ههههههه
ولو هو طلب منك حاجة تعمليهاله قوليلوا عيونى يا حبيبى واول ماتديهاله ابتسمى وقوليله احلى حاجة لاحلى زوج فى الدنيا
خلو تصرفاتكم مع بعض بحب وود وسداينى هو كمان ح يتغير
وممكن تجيبيلوا هدية من غير سبب
وممكن تاكليه فى بقه ودى صدقة سداينى
وياسلام لو زوجك يتيم يبقى من حظك منها خلصتى من حماتك
ومنها ح تخدى ثواب فيه لو طبطبتى على راسه بس
طب ما تيجوا نعبد ربنا ونسعد نفسنا
وعندى ليكوا فكرة متجربة
لو عاوزة تتصلى بزوجك على الموبايل وهو بيكره اتصالك بيه
ابعتيله رساله حب وشعر ودى موجودة على النت كتير وممكن اجيبهالكم ان شاء الله
ابعتيها الاول وبعدين استنى شويه وهو ح يكلمك وهو منها وفرتى مكالمه وهو الى اتصل بيكى وساعتها ح يتقبل اى كلام او طلب منك
واخيرا احب اقولكم ان الحياه قصيرة جدا على اننا نقضيها فى خناق وزعل وربنا يخليكوا لبعض :::::::ام محمد::

النصيحة ال14 :
[size=21]عذبيه عذبيه قبل ما تتعذبي ::[/size]
[size=21]عاوزة تعزبى زوجك بحبك ؟؟[/size]
[size=21]اعملى الى اقولك عليه دا اسمعى !!

لما يرجع البيت طيري لعنده وضميه بس انتبهي لايغمى عليه من المفاجأة

أرمي عليه واحدة من الابتسامات الخطيرة اللي تدربت عليها ساعة أمام المرايا بس لاتتوقعى يرفععينه ويشوفها
خلى عطرك يسبقك ويتكلم بدالك وعلى طول قولي له انه هو اللي جايبه قبل ما يقولشووو هالريحة

قولي كلمة حلوة وارمى نظرة حنونة ولاتنتظرى النتيجة لأنها بتطول
قاومي نفسك وفضولك فقط اسأليه عن نفسه الحقي الكم كلمة الباقية عنده من المخزون قبل لايصفر
في حضوره اقفلي كل المواضيع إلا موضوع جاذبيته ونجاحه والله رح تخليه يتجنن يمشي يكلم نفسه
قولي احبك فهذه الكلمة تزيد وسامته بس مو كلهم متل بعض
لا تنسي تذكريه انه ملك جمال العالم كيف ماكان ولو كان أشعث اغبر

حضري له الجريدة والقهوة وقبل ثم اتركيه ينعم بالهدوء رح يستغرب ويتعذب
شوى وهذا المراد من رب العباد
عندما يقول لا قولي حاضر ورددي حتى اللا من فمك زي العسل
ياحبيبي ثم استشهدي بقول الشعروحسن قول نعم من بعد لا رح يستسلم لانك
ماقاومت وفي قلبك قولي اللي بخاطرك
لاتثقلي عليه بالطلبات فقط قصر منيف وصيف في ماليزيا والبقية سهلة ( أصلا ثقيلة خفيفة مارح تجى
عندما يعود من السفر دعيه يتفاجئ من التغيير وان كان يحب شيء سوى عكسه حتىلما ترجعى للى يحبه يشوفه شي
اذا كان ينتظرك لتستعدى للخروج معه ضعي أمامه
الريموت والشاى وجريدة وهاتفه واستعدى براحتك ولاراح يسال فيك
عندما يصمت لاتحاولى أن تخرجيه من هذا الصمت وإلا انقلب عليك فقط أعطيه الأمان والحنان وفي سرك قولي احسن
إذا أردت منه شيئا فاطلبيه مباشرة بلا لف أو دوران لكن توقعى القبول لانه ينتقل
بالاشعاع الصادر منك طبعا رح تجيك صدمة من عودة الإشعاع إليك بقوة
اذا اساء معاملتك فهذا ليس لانك تستحقين بل لانه لايفهمك ولارح يفهمك فلا تحلمى بالمستحيل

لاتستخدمى كلمة دائما الا ان كان قبلها كلمة احبك والله هالكلمة ترفع ضغط النساء
والرجال انت دايما مهملة انت دايما مهمل فاذا يوم حبيت تقتليه وماحد دارى
امسكيها وقوليها عشر مرات كفاية
اذا مرض فانه سيتعبك اكثر من الرضيع لذلك اهتمى بالوقاية وامطريه بعصير
البرتقال ولما يمرض احتسبي عند الله ورح تندمى لانك ماعصرت البرتقال اللي في البلد كله

اهتمى بالمفاجات لايهم ان توجد مناسبة لهذا اهم شي يكون استلم الراتب اليوم
اذا جاءت سيرة اهله ادعى لهم وامطريهم بالمديح ثم اختمى يكفي انهم جابوك
لهالدنيا بس لايصير لك شي في سرك قولى اللى تبغيه
اذا اردتيه ان يصلح لك شيئا فقط كبري راسه قولى والله التلفزيون بعد ماصلحته
صار احسن من الجديد لكن احسن لك لايصلح شي والله البيت بيتحول لروبابيكيا
عندما يتكلم عن عمله تحمليه امنحيه نظرات محبة وهزة راس بس اكيد
بتدوخى من كثر هز الراس
لما يكون مسافر ويكلمك تظاهرى انك تبكى من الم الفقد والشوق والحرمان
الامر مايحتاج تكونى فنانة بالتمثيل بس في احتمال ينقطع الخط
اذا اتصل وقال انه سيتاخر قولى براحتك حبيبي المهم تكون مبسوط والله رح تقهريه وتنقهري انتي كمان
اذا قام بتصرف مزعج وجاء وهو يعرف مسبقا انكما ستتاخصمان فاجئيه انك لست
غاضبة ابدا واضحكى معه وامرحى رح يفضل يسال نفسه شوووو مخططة ياترى

اذا قال لك انه مشغول لا تتذمرى املئي حياتك بالاشياء الجميلة ترى والله الحياة مليانة اشياء حلوة
فاجئيه باطباق يعشقها لكن لاتطبخى اطباق والدته رح يفضل يقول لك بس امى تسويه بهالشكل
اتبعى مع النصائح السابقة هذا الدعاء اللهم اجعله لى سكنا واجعلنى له سكنا واجعل بينى وبينه مودة ورحمة
وستكون النتيجة

[/size]

النصيحة ال15 :
الصبر مفتاح الفرج:!!!

مثل كتير مننا عارفينه بس هل كلنا بنعمل بيه ؟؟؟؟
اكيد لا . ولو حد مننا بينفزه
هل انتى شايفة انك صبرتى كفاية على زوجك ولا لسه مقسرة فى الصبر؟؟!!
عزيزتى واختى :
الحاجز الكبير الى بينك وبين زوجك مجاش من يوم وليله فا متتوقعيش انه يزول من يوم وليله ولازم تصبرى عليه لو انتى فعلا متاكده انه بيحبك و ان معدنه كويس ويستاهل تصبرى عليه
تسمحولى احكى لكم قصة بس تحفه ومثل فى الصبر والاكثر فى الذكاء فى التعامل مع الزوج . ممكن يكون منكم كثير يعرفوها بس اسمحولى احكيها للى متعرفهاش
صلوا على النبى ... صليتوا ::
هههههههههههههههههه
كان يا ماكان كان فى زوجه زوجها بيحبها جدا لدرجة انه جايب لها شغاله ومش اى شغاله لا من النوع المستورد
وفى يوم الزوجه خرجت تجيب طلبات للبيت . ولما رجعت لقت ايه؟؟
زوجها مع الخدامه فى سرير واحد
لو انتى منها ح تعملى ايه؟؟
هى عملت غير كدا !!!!!!!!!
خرجت تانى بهدوء من غير مايحسوا بيها
وفضلت ماشية فى الشارع تسال نفسها اعمل ايه ؟ اتصرف ازاى ؟ اموته ؟ولا اطلق منه ؟ ولا اعمل ايه ؟؟
لا انا ح اصبر عليه دى اكيد نزوة
وفجاة ايوووووووووة جتلى فكرة!!!
وروحت البيت كرشت الخدامه وقالت لها ان لو كلمته تانى ح تسجنها وترحلها على بلدها
ولما رجع الزوج قالت له انها طردت الشغاله فا رد عليها الزوج
- ليه بس حرام عليكى هى عملت ايه عشان تقطعى عيشها ( حنين اوى ساعدته)
-هى :اصل انت متعرفش انا كرشتها ليه
هو : ليه ( يا مفترية )
هى : اصلها يا حبيبى طلع عندها الايدز ( طبعا بتكدب )
هو : يا لهوووووووووووى ( وطب ساكت عنده ازمة قلبيه )
شالته طبعا وراحت بيه للمستشفى ولما فاق
هو : سامحينى يا حبيبتى كل دا ذنبك انتى انا كنت باخونك مع الخدامه سامحينى ومش ح اكررها
هى : الى فات مات يا غالى المهم انك تعمل تحليل دم وتتاكد انك كويس
وفعلا عمل التحليل وطلع فله وقالتله
هى: اصل الدكتور قالى ان مش لازم الايدز يتنقل فى بعض الحالات
هو : الحمد لله دا ربنا نجدنى و معدتش اعملها تانى .. تووووبه
وتوته توتا خلصت الحدوته ....
شفتوا الذكاء ؟؟؟
حتى لو انتى متاكده انه بيخونك اصبرى عليه بس متسكتيش اعملى اى حاجة عشان ترجعيه ليكى بذكاء ومتقوليلهوش انك عارفة لان دا بيعمل شرخ بينكم وعدم ثقة اكيده
واصبرى فان الله مع الصابرين .......ام محمد ...

والله انتى عسل وانا بموت فيكى

وان شاء الله مستقبلا اما اتجوز حعمل بكل نصايحك لانى بجد مقتنعة بيها جدااااااااااااااااااااااااااا وانتى ثبتيها فى دماغى اكتر
موووووووووووووووووووووووووووووووووووووووووووووووووووووة

انتى الى سكر وشطورة وانا بحبك موووت

عدد المساهمات : 8 تاريخ التسجيل : 18/06/2009

نصائح جميله تسلم افكارك

عاوزة زوجك يلزقلك ....... خليكى مع نصائح ام محمد Thank_u

زهره على تواجدك الجميل بموضوعى ومنوره المنتدى بعودتك الرائعه

» كيف تتدلعين على زوجك وتخليه يجن عليك
» عبارات لا تطلقيها مطلقا امام خطيبك او زوجك!!
» اذا كان عندك كرش لك 10 نصائح
» نصائح قبل السيشوار للشعر
» طريقة تنظيف المنزل ( نصائح )